Buyurtma ekrani, dispetcher va GPS: kuryerni boshqarish

Yagona buyurtma ekrani barcha kanal buyurtmalarini bitta ro'yxatda holat bilan ko'rsatadi: qabul qilindi, tayyorlanmoqda, tayyor, yo'lda, yetkazildi. Dispetcher kuryerlarni xaritada ko'radi va buyurtmani bir bosishda tayinlaydi. Kuryer ilovadan marshrutni oladi, mijoz esa kuryerni kuzatadi.

Buyurtma kechikkanda sabab odatda bitta: nazorat yo'q. Quyida har bosqich qanday ishlashini va qayerdan boshlash kerakligini yozdik.

Qisqacha:

• Barcha kanal buyurtmalari bir ekranda, holati bilan.
• Kuryerni dispetcher tayinlaydi yoki kuryer ilovada o'zi qabul qiladi.
• Mijoz har bosqich haqida xabar oladi va xaritada kuzatadi.

Buyurtma qayerda yo'qoladi?

Buyurtma sayt, Telegram, agregator va telefondan kelsa, uni qog'ozga yozish va qo'lda uzatish bosqichlarida yo'qoladi yoki kechikadi. Ofitsiant yozadi, oshxona boshqacha eshitadi, kuryer qayerdaligini hech kim bilmaydi.

Mijoz kutadi, keyin ketadi. Bu sizga ko'rinmaydi, chunki yo'qolgan buyurtmani hech kim sanamaydi. Yechim: hamma kanal bitta ekranda va har buyurtmaning holati ko'rinib tursin.

Yagona buyurtma ekrani nima?

Bu barcha kanaldan (sayt, bot, ilova, agregator, telefon) kelgan buyurtmalar bitta ro'yxatda ko'rinadigan ekran. Har buyurtmaning holati belgilanadi va o'zgarganda mijozga xabar ketadi. Operator turli oynalarni ochmaydi.

Buyurtma holatlari odatda shunday: qabul qilindi, oshxonaga uzatildi, tayyorlanmoqda, tayyor, kuryer yo'lda, yetkazildi. Kechikkan buyurtma shu ro'yxatda darrov ko'rinadi.

Dispetcher kuryerni qanday boshqaradi?

Dispetcher barcha kuryerni va buyurtmani jonli xaritada ko'radi va buyurtmani bir bosishda kuryerga tayinlaydi. Yoki kuryer ilovada mavjud buyurtmalarni ko'rib, o'zi qabul qiladi. Tashqi kuryer xizmatlari ham shu oynada ko'rinadi.

Aniqlik kiritamiz: o'z kuryerlarga buyurtma avtomatik tayinlanmaydi. Dispetcher tayinlaydi yoki kuryer o'zi oladi. Avtomatik chaqiriladigani — o'z kuryerlar yetmaganda tashqi xizmat. Kuryersiz dostavka haqida batafsil o'qing.

Kuryer ilovasida nima bor?

Kuryer ilovasida buyurtma ro'yxati, mijoz manzili, marshrut va navigatsiya bor. Kuryer buyurtmani qabul qiladi va holatni o'zgartiradi. Dispetcher esa uning joyini xaritada ko'radi. Delever'da kuryer ilovasi moduli oyiga 520 000 so'm.

Mijoz nimani ko'radi?

Mijoz buyurtmasi holati haqida SMS, push yoki Telegram'da avtomatik xabar oladi: qabul qilindi, tayyorlanmoqda, kuryer yo'lga chiqdi. Kuryer yo'lga chiqqach, xaritada uning joyi va taxminiy vaqt ko'rinadi.

Bu mijozning "buyurtmam qani?" degan qo'ng'irog'ini kamaytiradi va operatorni bo'shatadi.

Kechikish sababini qanday topish mumkin?

Buyurtma yo'lini uch vaqtga bo'ling: qabul qilishdan tayyor bo'lgunga qadar, tayyor bo'lgandan kuryer olgunga qadar, kuryer olgandan mijozga yetkazgunga qadar. Qaysi birida vaqt ko'p ketayotganini ko'rsangiz, muammo shu yerda.

Agar birinchi bosqich uzun bo'lsa, gap oshxonada: KDS (oshxona ekrani) yordam beradi. Ikkinchisi uzun bo'lsa, kuryer yetishmayapti. Uchinchisi uzun bo'lsa, zonalar yoki marshrut muammosi. Bunday tahlil yetkazish tahlil dashboardida ko'rinadi: egasi ertalab nimani ko'rishi kerak.

Xulosa

• Barcha kanal buyurtmalarini bitta ekranga yig'ing.
• Buyurtma yo'lini uch bosqichga bo'lib vaqtni o'lchang.
• Eng uzun bosqichdan boshlab tuzating.

Dispetcher va kuryer ilovasini Delever'da qanday ishlashini ko'rsatamiz: delever.io yoki Telegram'da @delever_bot.